Isang Kahig, Isang Tuka…

Ako si CuriousClaw. Pwede mo rin akong tawagin sa pangalang ChickenFeet.

Ano ba ang masasabi ko tungkol sa sarili ko? Umpisahan natin. Maglilista ako ng sampu. Sana wag magbago ang isip mo at tuluyan ng dedmahin ang pagbabasa ng blog ko…

1. Me kilala ka bang boring na tao? Sigurado mas boring ako doon.

2. E manhid? Malamang mas bato pa ko sa kanya. SRB ako e. Lam ba kung ano yun? Stone. Rock. Bato. Kainis no?!

3. Buti pa ang hangin may direksyon. Ako wala.

4. I love animals. Sa bahay, meron akong pusa ang pangalan Garfield, whale na binansagan ko namang Flipper, baboy, baka, at kabayo na walang mga pangalan. Astig di ba? Nga lang, kung hindi sila stuffedtoys, figurine sila o kaya naman ay alkansya…

5. Kung ang pagong mabagal, ako, mas mabilis naman ako ng konti. Kasi naniniwala ako sa kasabihang “SLOWLY BUT SURELY.”

6. Anong mas gusto mo maingay o tahimik? Since boring ako, tahimik ako. (bakit ba? walang pakialamanan!)  Pero di naman ako sobrang tahimik. Kasi kung 100% akong tahimik aba’y baka 6ft. under na ko nun!

7. Me kilala ka bang sinasawsaw sa ketsap ang laman ng ginataang alimango? Pwes kung meron, pareho kami ng talent.

8. Mahilig akong uminom ng kape… kapeng mainit, palalamigin saka iinumin. Yun ang trip ko. Sensitive kasi ang dila ko e! Kailangang lagi itong in good working condition kasi mahalaga xa sa pagdila ko sa… sobre! (kaw naman!)

9. Jologs… Tumpak! Jologs ako! Pero sa palagay ko naman, sa lahat ng jologs ako lang ang may taste… really bad taste! (waaaahhh!)

10. Ako ay matulungin na tao, este, matulugin. As in antukin. Ansarap kayang matulog, di ba?! Pero wag muna panghabang-buhay. Marami pa akong gustong gawin sa buhay…

Ayan! Meron na akong nailistang sampung katangi-tangi kong katangian na maari kong aminin o itanggi dahil hindi lahat ng nakasulat sa itaas ay totoo.

Kaya ito ay ISANG BABALA! WAG AKONG TULARAN, NAKAKABATO!